Latest Gadget News, Reviews, Smartphone Comparison & Unboxing Video

Samsung Galaxy M20 Review: Kya Samsung Ab Finally Xiaomi Se Compete Kar Payega?

0 37

Read this Article in English

Pichhle kuch saalo me Samsung ko kaafi nuksaan uthaana pada hai. Because Xiaomi ke products kaafi saste aur competitive features ke saath aate hai, Samsung ko Indian market se hath dhona pada. Lekin ab aisa lagta hai ki Samsung finally comeback karne ki taiyari me hai. Shayad isiliye company ne market me ek naya phone utaara hai jiski keemat, specifications and looks sab kuch kaafi achha hai. Ji han, aaj hum review karne waale hai Samsung M20 ka. To bane rahiye humare sath aur padhiya Samsung Galaxy M20 review.

Review shuru karne se pehle thoda phone ke baare me bataa dete hai. Samsung Galaxy M20 ko do variants me launch kiya hai – 3GB RAM ke sath 32GB internal storage aur 4GB RAM ke sath 64GB internal storage. Agar keemat ki baat kare to 3GB waale ko aap ₹10,990 me kharid sakte hai wahin 4GB RAM waale variant ke liye aapko ₹12,990 dene padenge.

Samsung Galaxy M20 Review - UI - The Hinglish News

Samsung Galaxy M20 Review Design & Display

Samsung Galaxy M20 ke launch ke sath hi Samsung bhi notch ki duniya me ab officially kadam rakh chuka hai. Iska notch jo hai wo waterdrop type ka hai jo ki “v” jaisa dikhta hai. Yun to phone ka design standard hi hai, lekin iska back kaafi smooth hai aur hath me pakadne par cheap feel nahi hota. Jo sabse achhi baat mujhe is phone ki lagi wo ye hai ki ye kaafi halka hai aur bezels bahut hi kam hai. Jiska matlab ye hai ki poori front aapko display jaisi hi nazar aati hai.

Display ki baat Karen to company ne phone me 6.3 inches waala full HD+ IPS Infinity V display lagaya hai jo ki 2340×1080 pixels ke resolution se lais hai. Is display ka panel TFT hai halanki abhi se pehle Samsung AMOLED panel use karta tha. Sabse achhi baat display ki ye hai ki isme aapko colors bilkul saaf aur lively nazar aate hai. Sath hi sath outdoor me isko use karne par reflection ki koi problem nahi aati hai. Display kaafi bright hai aur Wideline L1 feature se lais hai. Wideline L1 hone ka matlab ye hai ki aap Netflix aur Amazon Prime se HD me video dekh sakte hai.

Samsung Galaxy M20 Review - Display - The Hinglish News

Samsung Galaxy M20 Review Camera

Samsung Galaxy M20 review camera ke bina kabhi bhi poora nahi ho sakta. Samsung ne is phone me 13 megapixels aur 5 megapixels ka dual camera setup lagaya hua hai. Is phone ka primary camera jaha normal photos click karta hai, wahin iska secondary camera ultra-wide angle lens hai. Bata de ki is price point par ultra-wide angle lens milna utna hi mushkil hai jitna aaj ke time me bhagwan ko dhundhna. Phone ke front par company ne 8 megapixels waala selfie camera lagaya hai.

Samsung Galaxy M20 Review - Camera 1 - The Hinglish News Samsung Galaxy M20 Review - Camera 1 - The Hinglish News

Sabse pehle baat karte hai din me performance ki. Samsung Galaxy M20 ka camera din me photos to achhi leta hai lekin kabhi kabhi colors ko oversaturate bhi kar deta hai. Halanki ye kuch specific moments par hi hota hai. Wahi agar secondary wide-angle lens ki baat kare to ye camera kaafi shandar hai. Wide-angle shorts kaafi impressive hai, especially phone ke price ko consider karte hue.

Samsung Galaxy M20 Review - Camera 5 - The Hinglish News Samsung Galaxy M20 Review - Camera 6 - The Hinglish News Samsung Galaxy M20 Review - Camera 3 - The Hinglish News Samsung Galaxy M20 Review - Camera 4 - The Hinglish News

Lekin agar low-light ki baat Karen to fir problem aa sakti hai kyuki low-light me iski performance average hai. Photos me noise aur grains ka dikhna ekdam common baat hai aur details bhi missing hai. Wahin agar selfie camera ki baat Karen to aap khush ho jayenge. Phone ka selfie camera damdaar hai halanki low-light me quality achhi nahi aati. Camera ki ek aur khas baat to mai batana hi bhul gaya. Phone ka live focus kaafi sahi se kaam karta hai aur background blur karna kaafi aasan hai.

Samsung Galaxy M20 Review - Camera 7 - The Hinglish News

Samsung Galaxy M20 Performance Review

Performance ke baare me baat karne se pehle aapko ye bata de ki yah Samsung ka pehle phone hai jisme company ne latest Exynos 7904 processor lagaya hai. Anyway, Samsung Galaxy M20 ke performance ki baat karte hai. Yah phone normal task aasani se handle kar leta hai. Jaise ki WhatsApp, Facebook, normal games aur application switch karne me bhi koi dikkat nahi aati hai. Aap actually 10 app ek sath chala kar multi-tasking bhi kar sakte hai.

Agar Exynos ke power ko compare kiya jaaye to Qualcomm ke Snapdragon 636 jaisa hi hai. Halanki jab PUBG Mobile game humne khela to lags jarur dikhe. Maine medium settings par PUBG chalaya tha aur random lags dekhne ko mile the. To is hisaab se itna to clear hai ye phone casual gaming me aasani se aapka sath de sakta hai. Ek aur baat, phone jaldi heat nahi hota.

Samsung Galaxy M20 Review Software

Kisi bhi phone ki jaan uske software me hi hoti hai aur Samsung Galaxy M20 review me hum isko miss nahi kar sakte. Samsung Galaxy M20 actually Samsung Experience 9.5 le lais hai jo ki Android 8.1 Oreo par based hai. Ab jahan log Android 9.0 Pie ke sath masti kar rahe hai, wahin Android 8.1 waala phone lene me thodi dikkat to aayegi hi. Waise phone ka UI kaafi clean aur highly customizable hai. To aap iske font, icon size aur bhi kai tarah ke modifications apne sahuliyat ke according kar sakte hai.

Samsung Galaxy M20 Review - Type C Port - The Hinglish News

Samsung Galaxy M20 Battery Life Review

Samsung ne is phone me 5000 mAh ki battery lagayi hai jo ki kaafi impressive hai. Iski battery aaram se do din chalti hai. Even heavy gaming bhi agar aap karte hai to bhi iska backup lagbhag 6 ghanto ka hai jo ki aaj ke time me normal phones me aapko nahi milti hai. Mai POCO F1 bhi chala raha hu aajkal aur mujhe har 3 ghante me isko charge karna padata hai PUBG khelte time. To battery ke maamle me to is phone ka koi jawaab hai hi nahi.

Ab jo sabse khas baat is phone ke baare me hai wo hai iska 15W fast charging ka support. 1 ghante se bhi kam time me yah phone 80% tak charge ho jaata hai. Plus jo chipset isme laga hua hai wo bhi kaafi power-efficient hai jiska matlab hai ki battery life aapko achhi milegi.

Verdict | Humara Vichaar

Dekhiye Samsung Galaxy M20 review me ek baat to saaf ho gayi hai ye phone Samsung ke puraane phones se kaafi behtar hai agar iske price aur specifications ke according dekha jaaye. Aur is phone ke launch ke sath hi Samsung ne apne fan base ko ek achha tohfa diya hai. Phone ka design, performance aur battery life kaafi achhi hai. Wahi phone ka camera thoda average hai. To overall agar dekha jaaye to ₹10,000 ke range me ye phone buraa nahi hai. Agar aapka budget ₹10,000 hai to aap is phone ko kharid sakte hai.

The post Samsung Galaxy M20 Review: Kya Samsung Ab Finally Xiaomi Se Compete Kar Payega? appeared first on Hinglish News.

- Advertisement -

- Advertisement -

Comments
Loading...