Latest Gadget News, Reviews, Smartphone Comparison & Unboxing Video

Huawei Y7 Pro (2019) Launch Ho Raha Hai Jald; Jaaniye Kya Hai Isme Khaas

0 198
Huawei Y7 Pro (2019) Cover Hinglish News

Click Here to Read this News in English

Huawei Y7 Pro (2019) yun to kaafi pehle December me hi launch ho gaya tha lekin company ne India me iske hone waale iske launch ke baare me kuch bhi nahi kaha tha. In fact, hum abhi bhi intajaar kar rahe hai. Lekin aaj humare paas aise leaked information aayi hai jisse aapka dil khush ho jayega. Actually, ek leaked report ne ye confirm kiya hai ki ye phone India me jald hi launch hone waala hai. Itna hi nahi, iski keemat sirf Rs. 8,000 hogi. Ab ye baat kaha tak sach hai, ye to waqt hi batayega.

Huawei Y7 Pro (2019) Specifications and Features

Khair, Huawei Y7 Pro (2019) ke specifications ki baat karen to company ne isme 6.26 inch ka IPS HD+ display lagaya hai jo ki 1520×720 pixels resolution aur 19.5:9 aspect ratio se lais hai. Phone ke andar company ne Qualcomm ka Snapdragon 450 processor bhi lagaya hai. Processor ke alawa phone me 3GB ki RAM aur 32GB ki internal storage maujood hai jisko aap MicroSD card ki madad se 512GB tak badha sakte hai.

Huawei Y7 Pro (2019) Hinglish News

Wahin camera ki baat karen to is phone me company ne dual rear camera setup lagaya hai. Phone ke pichhe 13MP aur 2MP ke do camera lage hue hai jisme secondary 2MP camera ek depth sensor hai. Yah depth sensor bokeh photos click karne me madad karega jisme background blur hoga. Company ne selfie ke deewaano ke liye 16MP ka camera phone ke front par lagaya hai. Problem ye hai ki is phone me security ke naam par bass facial unlock hai jiska matlab ye hai ki aapko fingerprint sensor nahi milega.

Huawei Y7 Pro (2019) kai saari connectivity options ke sath aata hai jaise ki Wi-Fi, GPS with A-GPS, 3.5mm audio jack, micro-USB, Bluetooth, dual-SIM aur 4G (VoLTE). Phone me company ne 4,000 mAh ki badi battery bhi lagaayi hai halanki ye fast charging support nahi karta hai.

The post Huawei Y7 Pro (2019) Launch Ho Raha Hai Jald; Jaaniye Kya Hai Isme Khaas appeared first on Hinglish News.

- Advertisement -

- Advertisement -

Comments
Loading...